Kryeministri i Kosovës, Albin Kurti ka uruar besimtarët myslimanë festën e Kurban Bajramit.
Kurti në postimin e tij në Facebook ka thënë se kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm.
Besimtarët myslimanë sot festojnë Kurban Bajramin, festën e sakrificës.
Me synim tjetrin e jo veten, në këtë ditë rikujtojmë mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit.
Uroj që kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm.
Gëzuar e me fat Kurban Bajrami!
