Ministria e Jashtme dhe Diasporës e Kosovës ka bërë të ditur se shumë mërgimtarë i janë bashkuar Karvanit të Diasporës në sheshin e Suharekës.
Për ta prezantuar platformën #ShijoKosovën në Suharekë, bashkë me ekipin e Karvanit ishte edhe zëvendëskryeministrja, njëherësh ministrja e Punëve të Jashtme dhe Diasporës, Donika Gërvalla, zëvendsministrja Liza Gashi të cilat i shoqëroi edhe kryetari i Komunës, Bali Muharremaj.
Duke diskutuar me bashkatdhetarët, ministrja Gërvalla ka thënë se, për Ministrinë e Punëve të Jashtme dhe Diasporës, kontributi i profesionistëve nga diaspora është i mirëseardhur dhe me ndikim për zhvillimin e vendit.
Gërvalla ka shtuar se janë shumë të interesuar për idetë e sugjerimet e mërgatës, të cilat mund t’i japin edhe përmes platformës http://xn--shijokosovn-8bb.com/
Në kuadër të nismës #ShijoKosovën, në qendër të Suharekës, është paraqitur me një program Ansambli Kombëtar i Këngëve dhe i Valleve “Shota”.
Karvani sot vazhdon rrugëtimin në Gjakovë, prandaj ju ftojmë të na bashkoheni në orën 19:00, thuhet në postimin në Facebook të MPJD-së.
