Kryetari i Partisë Demokratike të Kosovës, Memli Krasniqi ka përkujtuar Betejën e Koshares, ku 24 vite qëkur ushtarët e Brigadës 138 të Ushtrisë Çlirimtare të Kosovës, të udhëhequr nga heroi Agim Ramadani, i dhanë fund ndarjes së kombit shqiptar, duke thyer kufirin Kosovë – Shqipëri.
Krasniqi në postimin e tij në Facebook ka thënë se kjo ngjarje shënon fillimin e një prej betejave më të lavdishme të UÇK-së – Betejës së Koshares, e cila forcoi shpresën dhe ngriti moralin në mesin e popullit të Kosovës.
Përherë mirënjohës për veprën e dëshmorëve dhe veteranëve të Betejës së Koshares!
