Ministria e Kulturës, Rinisë dhe Sportit ka bërë të ditur se bashkëpunimi në mes të Korit të Filharmonisë së Kosovës, Korit të përzier të Selanikut dhe Orkestrës Shtetërore të Selanikut në drejtimin e mjeshtrit grek Vladimiros Symeonidis, rrëmbeu shumë duartrokitje në koncertin e mbrëmshëm në Selanikun e njohur për festivalet, ngjarjet artistike dhe jetën e gjallë kulturore në përgjithësi.
Në sallën koncertale përplot publik u interpretua vepra “Stabat Mater” (G. Rossini) ndërsa të pranishëm në këtë aktivitet ishin edhe ministri i kulturës Hajrulla Çeku, zëvendësminstrja Daulina Osmani, kryetari i Selanikut Konstantinos Zervas, udhëheqësi i Zyrës së Interesave të Kosovës në Athinë, Fitim Gllareva dhe konsulli i ri i Turqisë në Selanik, Serkan Gedik, thuhet në postimin në Facebook të MKRS-së.
