Ministria e Mbrojtjes së Kosovës bën të ditur se Qendra Norvegjeze për Integritet në Sektorin e Mbrojtjes (CIDS) vazhdon të mbështesë Ministrinë e Mbrojtjes me synim forcimin e kornizës së integritetit dhe qeverisjes së mirë.
Ministri Armend Mehaj në takimin me Këshilltarin e Lartë të CIDS, Svein Eriksen dhe drejtorin e Qendrës Kosovare për Studime të Sigurisë, Mentor Vrajolli, diskutoi për projektet të cilat janë në proces të realizimit si hapa të rëndësishëm para fillimit të ristrukturimit të Ministrisë së Mbrojtjes, thuhet në postimin në Facebook të Ministrisë së Mbrojtjes.
