Kryetari i Komunës së Prishtinës, Përparim Rama ka mirëpritur shkrimtarin e madh Ismail Kadare dhe bashkëshorten e tij, Helena Kadare.
Rama në postimin e tij në facebook ka thënë se në shenjë mirënjohje dhe respekti shkrimtarit Kadare i ka dhuruar Çelësin e Kryeqytetit, po ashtu, ka vendosur që një prej bibliotekave të kryeqytetit do ta marrë emrin e tij.
Veprat e tij e kanë ngritur letërsinë shqipe në nivel botëror dhe vazhdojnë të frymëzojnë tash e sa gjenerata.






