Ministrja e Arsimit, Shkencës, Teknologjisë dhe Inovacionit, Arbërie Nagavci ka mbajtur takim me drejtorët komunal të arsimit ku kanë diskutuar në lidhje me shumë çështje të rëndësishme në fushën arsimit.
Nagavci në postimin e saj në Facebook ka thënë se i ka informuar për Draftrregulloren për procedurat e përzgjedhjes dhe emërimit të drejtorëve dhe zëvendësdrejtorëve, mësimdhënësve, bashkëpunëtorëve profesional, asistentëve, instruktorëve dhe personelit të shërbimeve të përbashkëta. Ky dokument tashmë është finalizuar dhe do të dërgohet për shqyrtim paraprak e më pas në procedurat e shqyrtimit publik dhe për Udhëzimet administrative të cilat në proces.
Me qëllim të adresimit të tepricës teknologjike, diskutuam për rikualifikimin e mësimdhënësve. Po ashtu për tekstet shkollore, përgatitjet dhe shpërndarjen e tyre në shkolla ku tashmë komunave u është përcjellë Katalogu për tekstet e klasës 1-5. Presim që aktivet profesionale të bëjnë zgjedhjen e duhur.
Temë tjetër e diskutimit ishte edhe procesi i zgjedhjes së Këshillave të Prindërve në të gjitha nivelet(shkollë-komunë-MASHTI)digjitalizimi i shkollave, buxheti dhe donacionet për ndërtimin e çerdheve, përgatitjet për organizimin e testit të maturës dhe testit të arritshmërisë.
Drejtorët e DKA-ve i informova edhe sa i përket Rrjetëzimit të shkollave-analiza e gjendjes dhe veprimet bazuar në UA, 10/2023. Së shpejti do ta kemi takime të përbashkëta ku do të adresojmë çështjen e uljes së numrit të nxënësve në shkolla ku si pasojë, shumë mësimdhënës mund të mbesin pa norma.
Si Ministri, vitin e kaluar kemi ruajtur normat për 1600 mësimdhënës që u rrezikoheshin vendet e punës dhe do të punojmë bashkë me komunat për politikat që qojnë tek përmirësimi i cilësisë.
