Ministri I Punëve të Brendshme, Xhelal Sveçla ka uruar festën kombëtare Shteteve të Bashkuara të Amerikës, në emër të Ministrisë së Punëve të Brendshme dhe të gjitha institucioneve në varësi të Ministrisë sonë.
Sveçla në postimin e tij në Facebook ka thënë se kontributi i SHBA për forcimin e organeve të rendit publik të Kosovës si dhe të administratës, ka qenë dhe mbetet i rëndësisë së veçantë. Ata janë partnerë e aleatë të pazëvendësueshëm, krah për krah në betejat kundër korrupsionit, paligjshmërisë, kriminalitetit e mbi të gjitha në kultivimin e sistemit të vlerave bazuar në liri, barazi e drejtësi. Bashkë me ta do ta fitojmë secilën betejë të demokracisë.
Urime të veçanta për 4 korrikun Ambasadorit J. Hovenier, stafit të Ambasadës, si dhe gjithë qytetarëve amerikanë që aktualisht punojnë apo kanë punuar në Kosovë.
Mirënjohje e miqësi e përjetshme.
