ministria e Kultutrës, Rinisë dhe Sportit ka njoftuar se në një ceremoni të veçantë të mbajtur në Pallatin e Rinisë dhe Sporteve në Prishtinë është hapur Kampionati Evropian i hendbollit për femra U19, i cili do të zgjasë deri më 16 korrik.
Nëntë ekipe kombëtare do të paraqiten në këto gara që e kanë shndërruarKosovën në qendër të rëndësishme të hendbollit kontinental.
Ceremonia hapëse ka përmbajtur edhe pikë artistike dhe shfaqje të flamujve të vendeve pjesëmarrëse.
Pjesëmarrës në këtë ngjarje ishin zëvendësministrja e MKRS, Daulina Osmani, zëvendësministri i MPB, Bardhyl Dobra, presidenti i FHK-së, Eugen Saraçini, drejtori për sport në Komunën e Prishtinës, Granit Rugova, përfaqësuesi i EHF-së, Pedro Sequeira dhe sportistë e sportdashës të shumtë.
Në kuadër të këtij kampionati nga sonte Kosova ka ndeshjen me Italinë, thuhet në postimin në Facebook të MKRS-së.
