Ministri i Mbrojtjes, Armend Mehaj ka pritur në takim këshilltarin bilateral të sapocaktuar të Forcave të Armatosura të Republikës Federale të Turqisë, kolonel Mustafa Pamuk.
Mehaj në postimin e tij në Facebook ka thënë se me kolonel Pamuk kanë diskutuar për bashkëpunimin në fushën ushtarake me Forcat Turke, implementimin e Planit Bilateral, ristrukturimin e Ministrisë së Mbrojtjes, si dhe rëndësinë e aprovimit dhe zbatimit të dy marrëveshjeve me Republikën e Turqisë në fushën e trajnimeve, shkollimit akademik dhe shkëmbimit të përvojave.
Si shtet partner i yni, duke vlerësuar gjithashtu dhe angazhimin e oficerëve turq në kuadër të Zyres Ndërlidhëse të NATO-s, do të vazhdojmë punën në drejtim të avancimit të FSK-së dhe sigurisë së vendit.
