Zyrtarët policor të stacionit policor Veriu, kanë arrestuar dy persona të dyshuar për një rast të sulmit ndaj personit zyrtar.
Ngjarja ka ndodhur mbrëmë, rreth orës 18:00, në rrugën “Fahri Fazliu” në Prishtinë, me ç’ rast policia arrestoi të dyshuarit; S. A, mashkull, 22 vjeç, shtetas i Republikës së Kosovës, si M. A, mashkull, 20 vjeç, shtetas i Republikës së Kosovës, si të dyshuar të implikuar në rast.
Ndaj të dyshuarve policia ka iniciuar një hetim në drejtim të veprës penale “Sulm ndaj personit zyrtar” dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh, thuhet në postimin në Facebook të PK-së.
