Përveç panelit të diskutimit Artpolis do të prezantojë edhe shfaqjen teatrore “Toka e Shpirtrave të Trazuar” në Forumin e Grave, Paqes dhe Sigurisë (WPS) – iniciativë e Shkëlqesisë së Saj Dr. Vjosa Osmani Sadriu, Presidente e Republikës së Kosovës.
Shfaqja “Toka e Shpirtrave të Trazuar”, me regji të Zana Hoxhës, do të prezantohet më 23 tetor, 2022 nga ora 20:00-21:10 në Klan Arena.
“Toka e Shpirtrave të Trazuar”, është një performancë e bazuar në poezitë e Shqipe Malushit, të cilat evokojnë kujtimet tona kolektive për mungesën e paqes dhe përballjen me luftën dhe konfliktin si një gjendje konstante për shoqërinë kosovare ndër shekuj e në veçanti ndikimin e saj në traumat tona ndër gjenerata.
E shtrirë në një format unik eksperimental në shqip dhe anglisht, performanca e regjisores Zana Hoxha krijon një sinergji multidisiplinare përmes poezive imazhiste të Malushit, koreografisë bashkëkohore teatrore të Robert Nuhës, dhe dramaturgji të Shpëtim Selmanit, muzikës eksperimentale me elemente burimore dhe këndimit, si dhe video projeksioneve që krijojnë një narrativë të re të bazuar mbi kujtesën tonë kolektive, thuhet në postimin në Facebook të Artpolis.
Autore: Shqipe Malushi
Regjia: Zana Hoxha
Dramaturgjia: Shpëtim Selmani
Koreograf: Robert Nuha
Aktorë/e: Donikë Ahmeti, Kushtrim Qerimi, Qendresa Kajtazi, Blend Sadiku, Zhaneta Xhemajli, Kaltrinë Zeneli, Edlir Gashi.
Kërcimtarë/e: Altina Binaku, Qendrim Makolli, Erëza Grajqevci, Patriot Osmani
Soliste/ë: Donika Rushiti, Shaban Behramaj, Urta Haziraj, Etrit Nura
Kostumograf: Arbnor Brahimi
Videoprojeksionet skenike: Florian Canga
Asistente dhe organizatore: Elira Lluka
Skenografia: Arben Shala
Tonist: Arben Aliu
Ndriçimi: Sherif Sahiti dhe Mursel Bekteshi
Mjeshtër skene: Aziz Maloku, Flora Hasani
Grimere: Myrvete Tahiri, Flora Hasani
Në partneritet me Zyrën e Presidencës, Artpolis ka kënaqësinë të bashkëpunojë në Forumin e Grave, Paqes dhe Sigurisë (WPS), nën temën “Ndërtimi i Aleancave për Paqe të Qëndrueshme”.
