Ministria e Kulturës, Rinisë dhe Sporti ka njoftuar se Opera e Kosovës ka mbajtur koncertin e radhës, ngjarje kjo e organizuar në kuadër të programit të Qeverisë për 15 vjetorin e Pavarësisë së Kosovës.
Në Amfiteatrin e Ri të Bibliotekës Universitare, publiku i pranishëm pati mundësinë të ndjekë një program të larmishëm me vepra operistike të interpretuara nga solistët shqiptarë.
Me zërin dhe performancën e mrekullueshme, ata dhanë emocion tek secili i pranishëm. Interpretuan solistët: Zana Abazi Ramadani, Liridon A. Sadriu, Denik F. Prizreni, Ramona Tullumani, Sokol Hidersha, Besarta Murtezani, Jetmir Rexhepi, Gjylie Pelingu, Shkodran Aliu, Gentian Aliu, Fjorda Veizaj, Melos Buza, thuhet në postimin në Facebook të MKRS-së.
