Ministri i Mbrojtjes, Armend Mehaj ka njoftuar se Toger Mendim Muçiqi diplomoi me sukses në Akademinë Mbretërore Ushtarake Sandhurst pas përfundimit të programit njëvjeçar të udhëheqjes së oficerëve të rinj.
Mehaj në postimin e tij në Facebook ka falenderuar aleatin tonë, Mbretërinë e Bashkuar për përkrahjen e vazhdueshme në edukimin e gjeneratave të reja të oficerëve dhe nënoficerëve në institucione prestigjioze ushtarake si Sandhurst, ndërsa toger Muçiqit i ka uruar suksese të mëtutjeshme në karrierën e tij ushtarake dhe në detyrën për shërbim ndaj vendit.
