Me qëllim të shtimit të mbikëqyrjes institucionale, Ministria e Shëndetësisë ka hapur konkursin për 25 pozita të reja për inspektorë shëndetësor.
Në vegëzen e mëposhtme mund ta gjeni konkursin e hapur si dhe të dhënat për kushtet që duhet t’i plotësojnë kandidatët e interesuar.
https://konkursi.rks-gov.net/jobs?servant=1&type=2
Aktualisht, në Ministrinë e Shëndetësisë janë të angazhuar 12 inspektorë shëndetësor. Me përfundimin e procesit rekrutues të 25 pozitave të reja, në kuadër të MSh-së do të veprojnë 37 inspektorë shëndetësorë.
Sipas planprogramit qeverisës, kapacitetet inspektuese do të shtohen në vazhdimësi.
Me shtimin e kapaciteteve monitoruese, rritet edhe efikasiteti i ndërmarrjes së masave ligjore ndaj çdo parregullsie në zbatim të akteve normative të institucioneve shëndetësore, thuhet në postimin në Facebook të MSh-së.
